प्रतिनिधि सभा सञ्चालन नियमावली मस्यौदा समितिको बैठक शनिबार मध्याह्नदेखि सिंहदरबारमा जारी छ।
समितिले प्रतिनिधि सभाको नयाँ नियमावली तर्जुमा गर्ने कार्य गरिरहेको छ।
गणेश पराजुलीको सभापतित्वमा गठित १५ सदस्यीय समितिको यो बैठकले संसद सञ्चालनका लागि आवश्यक संशोधन र नयाँ प्रावधानहरूबारे छलफल गर्दैछ।
समितिका सदस्यहरूले नियमावलीका विभिन्न अध्याय तथा दफाहरूमा संशोधन प्रश्ताव ल्याउने र छलफल गर्ने क्रममा छन्।
बैठकमा नियमावलीलाई समसामयिक बनाउने, संसदीय प्रक्रियालाई थप प्रभावकारी र पारदर्शी बनाउने विषयमा जोड दिइएको छ।
यो समिति गठन भएपछि नियमावली मस्यौदा तयार पार्ने काम तिब्र रूपमा अगाडि बढेको छ।
बैठकको नतिजाअनुसार नयाँ नियमावली प्रतिनिधि सभामा पेश हुने अपेक्षा गरिएको छ।
बैठकमा समितिका सबै सदस्यहरूको सक्रिय सहभागिता रहेको छ।–न्युज एजेन्सी नेपाल
-1746009348.jpg)
