प्रहरीले खोला तथा नदीबाट बालुवा गिट्टी चोरी निकासी गर्ने आधा दर्जन ट्र्याक्टरलाई नियन्त्रणमा लिएको छ।
सोमबार इलाका प्रहरी कार्यालय खिलतपुरले बबई गाउँपालिका– ७ ओदालेबाट अवैध ढुंगा र बालुवा उत्खनन गर्ने ट्र्याक्टरलाई नियन्त्रणमा लिएको जिल्ला प्रहरी प्रवक्ता डिएसपी चक्रबहादुर शाहले जानकारी दिए।
उनका अनुसार प्रहरीको गस्ती टोलीले बबई– ७ बेलासपुर, गढवा गाउँपालिका – ४ पर्सियास्थित राप्ती खोला, बबई गाउँपालिका – ४ स्थित राजी खहरे खोला लगायत अन्य ठाउँका ट्र्याक्टरलाई नियन्त्रणमा लिएको हो।
नियन्त्रणमा लिइएका ट्र्याक्टरलाई १० हजार रूपैयाँ जरिवाना सम्बन्धित गाउँपालिकामा दाखिला गर्न लगाइएको प्रवक्ता शाहले बताए।
-1746009348.jpg)
