सहिद स्मारक ए डिभिजन लिगमा सातदोबाटो युथ क्लबले थ्रीस्टार क्लबलाई पराजित गरेको छ।
दशरथ रंगशालामा भएको खेलमा सातदोबाटो २-० गोलले विजयी भयो।
उसका लागि दुवै गोल विलियम ओपोकुले गरे। उनले पहिलो गोल २४ मिनेटमा गर्दा ४७ मिनेटमा अग्रता दोब्बर पारे।
यससँगै लिगको १९औं चरणको खेल सकिएको छ।
जसमा चर्च ब्वाइज ३६ अंकसहित शीर्ष स्थानमा छ। जावलाखेल ३२ अंकसहित दोस्रो स्थानमा छ।
तेस्रो स्थानको मछिन्द्रको ३१ अंक छदा सातदोबाटो २९ अंक जोडेर चौथो स्थानमा उक्लियो। थ्रीस्टार २६ अंक जोडेर पाँचौ स्थानमा छ।
-1746009348.jpg)
